💍🕊️Magdalena & Christoph💕💒
Am 24. Oktober hod unser erster Vorstand, da Christoph, sei Magdalena, unser Hilfsjugendleiterin, kirchlich gheirat! 👰🏼♀️🤵🏻♂️
Ogfangt beim Wecka um fünfe, warn de Koasawinkla dabei. ⏰💣
Weider in da Kirch und beim Spalier steh zur Brautkutsche, unsam Schellunter-Wong. 🐎🃏
Dann warn am Nammedog unsane Ehrendarbietungen, mim Bandldanz 💙🤍 vo unsrer Kinder- & Jugendgruppn und am Kronadanz vo de Aktiven, mit Unterstützung vo a bor „Trachtler-Allstars“. 👑 Do hom mia dann a unsere Geschenke gweißt und zur Hochzeit gratuliert. 🎁💐
Bei da letzn Rundn vom Kronadanz hom de zwoa a middoa deafn, guad homs es gmacht! 💃🏼🕺🏻
Die Magdalena 👰🏼♀️ is dann von einem Nachnamens-Vetter vom Christoph gstoin woan und die ganze Gsellschaft hod sich dann auf de Suche nach ihra gmacht und sie im Weinstübe gfundn. Nachm auslösen hommas uns do guad geh lassn. 🍷
Nochm Weinstübe hom de „Gaugruppen-Allstars“ no as Muiradl zoagt und olle, de plattln kennan, hom an Langschottischen do. ⚙️
Zum letzten Danz vom Brautpaar homma uns dann olle im Kreis versammelt um eana und dem selber gschrimna Liabsliad vom Christoph an sei Magdalena a scheene Atmosphäre zum gehm. 🎶🕯️❤️
Liabe Magdalena, Liaba Christoph,
Mia wünschen eich numoi Ois liabe zur Hochzeit, Danke für den scheena Dog und dass ma mid so na Schor dabei sei hom deafn.
Mia wünschen eich nur des beste für eier gemeinsame Zukunft und hoffen, dass uns no lang ois Herzbluat-Trachtler erhoitn bleibts!
Eire Koasawinkla Trachtler 🫶🏻
